رمضان میں مسجد نبویؐ میں 5 ہزاررضاکارخدمات انجام دیں گے

الریاض:  ماہ صیام کی آمد کے ساتھ ہی مسجد نبویؐ کے انتظام وانصرام کے ذمے دارادارے روضہ رسول ؐپر حاضری دینے والوں، نمازیوں، روزہ داروں اور زائرین کی خدمت کیلیے کمربستہ ہوگئے۔

عرب ٹی وی کے مطابق مسجد نبویؐ میں زائرین کی خدمت پر 5 ہزارمستقل اورجزووقتی رضاکاروں کی خدمات حاصل کی گئی ہیں۔ مسجد نبوی کےعمومی امور کی دیکھ بحال کے ذمے دارادارے کے وائس چیئرمین الشیخ ڈاکٹرعبدالعزیز الفالح نے بتایا کہ ماہ صیام سے قبل مسجد نبوی کے مرکزی ہال، مشرقی، مغربی اورشمالی سمتوں میں بنی گیلریوں میں16 ہزار فٹ نئے قالین بچھائے گئے ہیں۔

روزے داروں کی پانی کی ضرورت کے پیش نظرروزانہ 300 ٹن آب زم زم مہیا کیا جائیگا، آب زمزم کوٹھنڈارکھنے کیلیے 15 بڑی مشینیں نصب کی گئی ہیں جبکہ پانی کو صاف ستھرا اورٹھنڈارکھنے کے 40 فریزران کے علاوہ ہیں۔پانی پینے کے لیے 385 مقامات پر ٹوٹیاں لگائی ہیں۔مسجد کے صحن میں دھوپ سے بچاؤکے لیے 250 بڑی چھتریاں نصب کی گئی ہیں جب کہ 436 موبائل پنکھے مہیا کے گئے ہیں۔






Comments are Closed