عمران خان کی طرح ہماری 10 فیصد بھی مدد ہوتی تو ملک آسمان پر لے جاتے، شہبازشریف

ماڈل ٹاؤن لاہور میں پنجاب کے اراکین قومی وصوبائی اسمبلی اور ٹکٹ ہولڈرز کے مشاورتی کنونشن اور اجلاس سے خطاب کرتے ہوئے شہباز شریف نے کہا کہ عمران خان کو ملک کے مسائل کا علم نہیں ،صرف کرکٹ، بال ٹمپرنگ اور ایک دو مشغلے جانتا ہے اور اسے کچھ پتہ نہیں،جب تک ملک کی عمران خان نیازی سے جان نہیں چھوٹ جاتی ہم نے اس کی جان نہیں چھوڑنی۔
شہباز شریف نے کہا کہ سب نے 31 اکتوبر کو پوری قوت کے ساتھ اسلام آباد پہنچنا ہے ہم اپنے مطالبات سامنے رکھیں گے اور نواز شریف کی ہدایت کی روشنی میں اگلے لائحہ عمل کا اعلان کریں گے، اداروں نے جتنی مدد عمران خان کی ہے اگر ہماری 10 فیصد بلکہ دھکا بھی مل جاتا تو پاکستان کو کہاں سے کہاں لے جاتے، اداروں کا خیال تھا کہ جس طرح عمران خان نے 1992 کا ورلڈ کپ جیتا ہے شاید ویسی پرفارمنس دے گا۔
(ن) لیگی صدر نے کہا کہ عمران نیازی کہتا تھا ڈالر ایک روپیہ بڑھے تو کرپشن ہوتی ہے اور اس نے ڈالر 50 روپے بڑھا دیا ہے، عوام آج بر ملا کہہ رہے ہیں کہ ہمیں یہ شخص نہیں چاہیے جو دن رات ریاست مدینہ کی بات کرتا ہے اورہماری زندگی تنگ ہوگئی ہے ،ہمیں وہی چور اور لٹیرے واپس کردو ہمیں وہیں چاہئیں۔
Related News
سپریم کورٹ کا 120 نئی احتساب عدالتوں کے قیام کا حکم
اسلام آباد: سپریم کورٹ نے کرپشن کے مقدمات جلد نمٹانے اور نیب ریفرنسز کے فیصلوںRead More

پاکستان میں گَدھوں کی تعداد میں ایک لاکھ اضافہ
اسلام آباد: پاکستان میں گزشتہ برس کے دوران گدھوں کی تعداد میں ایک لاکھ کاRead More
Comments are Closed